8. Kafli - Niðurbrot efna og ending
Öll efni verða fyrir áraun á notkunartímanum sem veldur niðurbroti efnanna, hæfileiki efnis til að standast niðurbrotsáraunina nefnist ending (holdbarhed, e:durability). Tæknilegur nottími (levetid) efnis eða mannvirkis er sá tími sem efnið heldur nægjanlegum gæðum.. Áraunin sem veldur niðurbroti má skipta upp í flokka eftir tegund;
8.1. Efnafræðilegt ferli
Algeng áraun er t.d.:
- Upplausn efna (t.d. í vatni)
Dæmi: kalk þvæst úr steypu
- Efnabreyting (nýtt efni myndast)
- Dæmi:
Oxun málma; \(2 Fe + 3/2 O_2 \rightarrow Fe_2O_3\)
Vísbending
Málmurinn oxast frá yfirborði (aðgengi að súrefni) og í þeim tilfellum sem oxuð málmfilman hindrar áframhald oxunar(súrefni kemst ekki í gegnum filmuna) þá er sagt að málmurinn sé orðinn “passífur” – þetta gerist t.d. á áli og riðfríu stáli, annars nefnist ástandið “aktíft”
Alkalí-kísil efnahvörf;
Kolsýring steypu; \(Ca(OH)_2 + CO_2 \rightarrow CaCO_3 + H_2O\)
Vísbending
Kolsýring eykur styrk steypunnar (þetta er helsta ástæðan fyrir því að steypa eykur styrk sinn með tímanum) – en breytir jafnframt sýrustigi hennar, sjá síðar!
Hraði breytingarinnar (niðurbrots) er háður;
Samsetningu efnisins
Þéttleika
Hversu hratt efni berast burt
Hitastigi (þumalfingursregla: hraðinn tvöfaldast fyrir \(10^{\circ}C\) hitastigshækkun)
8.2. Raf-efnafræðilegt ferli
Flestir málmar finnast í náttúrunni í einhverjum efnasamböndum; súlföt, oxíð, klóríð, karbónöt,… og eru hreinsaðir í einhverju orkukræfu framleiðsluferli. Hreinir málmarnir hafa tilhneigingu til að hvarfast til að ná orkurýrara ástandi á ný… Tæring málma er raf-efnafræðilegt ferli sem getur verið tvenns konar;
Gastæring (þurr, krefst almennt að hitastig sé hátt)
Vökvatæring (elektrolyt)
Vökva-raftæring járns
Dæmi:
Rafeindir eru teknar upp af rafleiðandi vökva sem rafeindaþyggjanda (elektronacceptor) sem inniheldur súrefni og eða vetni, hvort um ræðir ræðst m.a. af súrleika lausnarinnar;
Fyrir járn, og súrefni sem rafeindaþyggjanda
Járn, og vetnisjónir sem rafeindaþyggjanda;
Aðgát
Katóðan tærist ekki
Forsendur tæringar eru;
rafleiðara (elektrolyt), oftast vatn, sem tengir anóðu og katóðu
spennumunur milli anóðu og katóðu (annars er engin anóða né katóða!)
rafeindaþyggjandi ferli
Rafstraumur í málmi getur verið tilkominn vegna (i) ytri áhrifa (t.d. spennu), eða (ii) snertingar mismunandi málma
Tæringarvörn og spennuröðin
Rafleiðandi vökvi getur verið svo þunnt lag á yfirborði málma að málmurinn virðist þurr, tæring stáls verður t.d. merkjanleg þegar loftraki fer yfir \(60%HR\)..
Almennt þarf að verja málma fyrir tæringu; þetta er gert með fórnarvörn (t.d. galvanhúðun) og yfirborðsmeðhöndlun (t.d. málun).
Vísbending
Báraðar stálklæðningar eru almennt með 0,4 – 0,5mm þykkan kjarna úr stáli og tæringarvörnin er gerð með heitgalvanhúðun; Z275 eða Z350 (zink 275 eða 350 \(\textrm{g}/\textrm{m}^2\), samtals beggja vegna). \(\rho_{zink} = 7,133 \textrm{g}/\textrm{cm}^3\), sem gefur \(38,6 \mu \textrm{m}\) þykka zinkhúð á stálið.
Tæring málma í andrúmslofti er mjög mismunandi eftir tegund málms og ytri aðstæðum, á Íslandi eru áhrif seltu mikil en \(SO_2\) lítil (Björn og Jón, 2002);
8.3. Eðlisfræðilegt ferli
Innri, tímaháðar, spennur eða spennubreyting sem skemmir efni… Osök spennu getur verið;
Bein áraun (kraftur)
Hiti
Raki
Dæmi um eðlisfræðilegt niðurbrot;
Núningur
Þreyta undir breytilegu álagi (málmar) eða rakabreytingu (timbur)
“Þreyta” timburs undir langtímaálagi
Yfirborðsflögnun stökkra efna (vegna hitaáraunar)
Hita- eða rakahreyfingar geta valdið sprungum í efni; sem opnar leið fyrir raka inn í efnið, og orsakar raf-efnafræðilegt niðurbrot (t.d. ryðmyndun) og loks eðlisfræðilega áraun á efnið (vegna þenslu)
Frostþol steypu
Frostþol steypu
Vatn, a.m.k. hluti þess, í steypu getur frosið, umfang þessa hluta vatnsins fer eftir pórudreifingu og hitastigi (sjá línurit)
Frostsprenging – fræðilega ”krítisk” mettunargráða
“Krítísk” mettunarmörk (þannig að steypa skemmist ekki þótt hún frjósi) -> vatn sem frýs verður að fá að þenjast út sem nemur rúmmálsbreytingu vatn-> ís:
í reynd liggja mörkin neðar þar sem jafnan að ofan gerir ráð fyrir að allt loftrúmmálið nýtist, en svo er ekki í reynd, sbr. tilgátu Fagerlund um áhrif vatnsþrýstings í pórunum..
Nauðsynlegar forsendur eðlisfræðilegs niðurbrotsferlis; Kraftáraun, hiti, raki
8.4. Líffræðilegt ferli
Hér er átt við lífverur sem valda niðurbroti; þ.e. skordýr, veirur og sveppir (einnig smádýr, trjárætur..)
Sveppir brjóta niður timbur, niðurbrotið (og nauðsynleg mörk) eru raka- og hitaháð.. jafnframt sýnir sig að þau eru “kúmúlatíf”..
Niðurbrot timburs (fúasveppir); tími sem þarf svo þyngdartap nemi 5 % (Viitanen 1996)
Steypa í frárennslisrörum getur grotnað vegna veira sem gefa frá sér \(H_2S\) og aðrar veirur sem umbreyta \(H_2S\) í \(H_2SO_4\) (sjá dæmið í bókinni)
8.5. Geislun
Rafsegulbylgjur: ljós, varmageislun, útvarpsbylgjur, \(\gamma\)- og röntgengeislun Eindir: róteindir, nifteindir, rafeindir (\(\beta\)) ..
UV geislun brýtur niður fjölliður (og þar með lignin í timbri) Varmageislun; Hækkar hitastig -> efnafræðilegir- og eðlisfræðilegir ferlar byrja
8.6. Samantekt
Niðurbrotsferlar og mikilvægar forsendur:
Efnafræðilegir |
vatn / raki, hiti, pH |
Raf-efnafræðilegir |
rafleiðari (vatn/raki), \(O_2\), vetnisjónir (pH), hiti |
Eðlisfræðilegir |
kraftáraun, hiti, raki |
Lífrænir |
hiti, raki |
Geislun |
UV |
Mikilvægt
- Samlagningaráhrif (superposition)
Almennt er gengið út frá því að samlagningarreglan gildi; þ.e. heildaráhrif jöfn summu hlutáhrifa
- Samlegðaráhrif (synergi)
Samanlögð áhrif tveggja eða fleiri ferla stærri heldur en summa einstakra þátta; t.d. tæring vegna áhrifa \(O_3 + NO_2\) fyrir suma málma og áhrifin vaxa hratt með hækkandi loftraka.. Fjölliður brotna almennt hraðar niður í UV ef þau eru rök..(hraðar en sem nemur summu áhrifaþáttanna hvors í sínu lagi)..