Hnútar sem heilar tölur
=======================

Til að leysa hnútana ætlum við að tákna þá með tölum og reyna að skilja hvaða áhrif V og S hafa á tölurnar. Fyrst skulum við átta okkur á tengingunni milli hnúta og talna.

Við skulum tákna stöðuna sem við byrjum í með 0. Í hvert skipti sem við gerum V þá kemur snúningur á böndin. Munum að B fór undir bandið hjá A. Táknum hnútinn þá með tölunni sem er fjöldi snúninga. Ef komnir eru til dæmis 3 snúningar á böndin þá táknum við hnútinn með tölunni 3. 


.. image:: ./neikvaedu.png
   :width: 95%
   :align: center




- Hvernig myndum við tákna hnútinn sem fengist með því að gera sama og í V en láta A fara undir bandið hjá B? 


.. begin-toggle:: :label: Svar

Við sjáum hvað gerist ef við byrjum í hnútunum vinstra megin og notum V. Þá færumst við einn til hægri. Það er því eðlilegt að tákna hnútana með neikvæðu heilu tölunum.
    
.. image:: ./neikvaedu2.png
   :width: 95%
   :align: center

.. end-toggle::   
   
   
- En er hægt að komast frá 0 í -1?

.. begin-toggle:: :label: Svar

Já, það er hægt. Munum að litirnir á bandinu skipta ekki máli.

.. image:: ./minuseinn.png
   :width: 55%
   :align: center

.. end-toggle::   


En hvernig breytir S tölunni? Ræðið málið og komið með tilgátur.